Print Friendly and PDF


VPA နှင့် ကောင်းမွန်သော အုပ်ချုပ်မှု

သစ်တင်ပို့သည့်နိုင်ငံအများစုတွင် သစ်တောအုပ်ချုပ်ရေးစနစ်အားနည်းခြင်းသည် တရားမဝင်သစ်ခုတ် ခြင်း နှုန်းထားနှင့် ပမာဏတွင် အဓိကအကြောင်းအရင်းတစ်ခုဖြစ်သည်။ဆန္ဒအလျောက် မိတ်ဖက် အဖြစ် ဆောင်ရွက်ရန် သဘောတူညီချက် (VPAs) များတွင် ဥပဒေရေးရာ ရှင်းလင်းပြတ်သားမှုရှိခြင်း၊ ဆုံးဖြတ်ချက်ချမှတ်ရာတွင် ပွင့်လင်းမြင်သာပြီးပါဝင်စေခြင်း ကိုမြှင့်တင်ပေးခြင်းအားဖြင့်နှင့် အဖွဲ့အစည်း ဆိုင်ရာများ ညှိနှိုင်းဆောင်ရွက်ခြင်း နှင့် တာဝန်ခံမှုကို တိုးတက်ကောင်းမွန်စေခြင်းအားဖြင့် သစ်တော အုပ်ချုပ်ရေးစနစ်ကို တိုးတက် ကောင်းမွန်လာစေမည့် အလားအလာ ရှိနေစေပါသည်။

သို့ရာတွင် VPAs များတွင် အုပ်ချုပ်မှုနှင့်ပတ်သက်သည့် စံသတ်မှတ်ထားသည့် စာသားများမရှိပါ။ ၎င်းအစားအကျိုးဆက်စပ်ပတ်သက်သူများမှ ၎င်းတို့၏ ဦးစားပေးများအလိုက် အခြေအတင်ပြောဆိုခြင်း များနှင့် ဆုံးဖြတ်ချက်များကို ဘောင်ခတ်ပြီး VPA တွင်၎င်းတို့လိုအပ်ချက်များကို ထင်ဟပ်ပေါ် လွင်စေသည့် စာသားကို ထည့်သွင်းဖော်ပြထားသည်။ အကျိုးဆက်စပ်ပတ်သက်သူအဖွဲ့တိုင်းတွင် မတူညီ သောအုပ်ချုပ်ရေး စနစ် ဦးစားပေးမှုများရှိနေတတ်သည်။

အစိုးရများအတွက် အရေးကြီးဆုံးပြဿနာများမှာ ဥပဒေအကျိုးသက်ရောက်မှုရှိရေး သို့မဟုတ် သစ်တော ကဏ္ဍ ၏စီးပွားရေးရေရှည်တည်တံ့ရေးဖြစ်နိုင်ပါသည်။ တရားဝင်လုပ်ငန်းလည်ပတ်နေသည့် ပုဂ္ဂလိက ကဏ္ဍ အကျိုး ဆက်စပ်ပတ်သက်သူများအတွက် ဦးစားပေးမှာ ကုန်ကျစရိတ်များကိုလျှော့ချပြီး တရားမဝင် သစ်ခုတ်ခြင်းကြောင့် ဖြစ်ပေါ်လာသည့် မညီမျှသည့်ယှဉ်ပြိုင်မှုကို ဖယ်ရှားရန်ဖြစ်နိုင်သည်။ အရက်ဖက် လူမှုအဖွဲ့အစည်းများအတွက် လူ့အဖွဲ့အစည်းအခွင့်အရေး သို့မဟုတ် အစိုးရ၏တာဝန်ခံမှုတို့သည် အဓိက ပြဿနာ ဖြစ်နိုင်သည်။

VPA လုပ်ငန်းစဉ်များတွင် ထည့်သွင်းပေါင်းစပ်ထားသည့် အလွှာစုံမှအကျိုးဆက်စပ် ပတ်သက်သူများ သည် တစ်ဖွဲ့စီအား ပြောဆိုခွင့်နှင့်အခြားအဖွဲ့များနှင့် အုပ်ချုပ်ရေးစနစ်စိန်ခေါ်မှုများ အတွက်မျှဝေနိုင်မည့် အဖြေများ ရှာဖွေရန် ပူးပေါင်းလုပ်ဆောင်ခွင့်ရရှိရန် ထောက်ကူပါသည်။ အားလုံးပါဝင်သည့် လုပ်ငန်းစဉ် သည် အစိုးရများမူဝါဒ ချမှတ်ခြင်းနည်းလမ်းနှင့် အခြေခံအားဖြင့် ကွဲပြားနေပြီး ဖြစ်ပေါ်လာရန် နှင့် အကောင်အထည်ဖော်ရန် အချိန်ယူရ သည့်ကြီးမားသောပြောင်း လဲမှုများကိုလှုံ့ဆော်ပေးပါသည်။

VPA ကိုထူးခြားစေသည့်အင်္ဂါရပ်မှာ အုပ်ချုပ်ရေးစနစ်ပြုပြင်ပြောင်းလဲရေးကို တိုင်းပြည်ပြင်ပမှ ပြဌာန်းခြင်း မဟုတ်ပဲ နိုင်ငံအတွင်း ဖော်ထုတ်ဖြစ်ပေါ်လာခြင်းဖြစ်သည်။ ထို့နောက် EU နှင့် သစ်တင်ပို့သည့်နိုင်ငံတို့သည် ပြုပြင်ပြောင်းလဲရေးများကို ဥပဒေအရချည်နှောင်မှုရှိသည့် VPA တွင် ခွဲထုတ်၍မရသောအစိတ်အပိုင်းတစ်ခုအဖြစ် ထဲထဲဝင်ဝင်ရှိနေစေပါသည်။




 

မသက်ဆိုင်ကြောင်း ရှင်းလင်းချက်။  VPA ဆိုင်ရာ ကိုးကားစရာများတွင်ပါဝင်သည့် အကြောင်းအရာ များသည် EU FLEGT Facility ၏ အတွေ့အကြုံများနှင့် သင်ခန်းစာများအပေါ် မူတည်၍ ရေးသားပြုစုထားခြင်းဖြစ်သဖြင့် Facility အပေါ်တွင်သာအပြည့်အဝတာဝန်ရှိသည်။ မှတ်ချက် သို့မဟုတ် မေးခွန်းများအတွက် အောက်ပါအီးမေးလ်မှ တဆင့် ဆက်သွယ်နိုင်ပါသည်။ info@euflegt.efi.int

© European Forest Institute 2016